KZ RU

Қазақстанда 40-қа жуық адам коронавирус жұқтырды деген күдікпен ауруханаға жатқызылды

Қазақстанда 38 адам коронавирус жағдайына байланысты санитарлық бақылау жағдайында медициналық мекемелерде жатыр. Бұл туралы денсаулық сақтау министрі Елжан Біртанов айтты, - деп хабарлайды ELnews.kz Tengrinews.kz-ке сілтеме жасап.

  

"Қазіргі уақытта медициналық мекемелерге коронавирус ауруын жұқтырды деген күдікпен 54 адам ауруханаға жатқызылды. Оның ішінде 16 адамның диагнозы расталмаған, олар сауығып, жазылып шықты. Бүгінгі таңда жұқпалы аурулар ауруханаларындағы стационарларда 38 адам санитарлық қадағалаудың ерекше жағдайында тұр", - деді Біртанов.


"Диагностика жүргізу жалғасып жатыр. Алматыда аса қауіпті инфекциялар ғылыми ұлттық орталығы базасында Ұлттық биотехнология орталығымен бірлесіп ДДСҰ әдістемесі бойынша коронавирустың генетикалық диагностикасы жолға қойылған. Зерттеулер жүргізіліп жатыр. Соған байланысты емдеу шараларына кірісетін боламыз", - деп толықтырды министр.


29 қаңтарда бас санитарлық дәрігер Жандарбек Бекшин Қытайдан келген 35 адамның ауруханаға жатқызылғанын айтқан еді. Денсаулық сақтау министрі Елжан Біртанов Қытайдан және іргелес мемлекеттерден келген қазақстандықтардан дәрігермен байланысып, емханаға қаралуды сұрады.


Айта кетейік, бұған дейін ҚР Сыртқы істер министрлігі коронавирус мәселелері бойынша жедел желіні іске қосқан болатын.


Пайдалы кеңес