KZ RU

Алматыда дәрігерлер құйымшағында ісігі бар сәбиге ота жасады

Алматыда Педиатрия және балалар хирургиясы ғылыми орталығының мамандары туа бітті ісікті алу бойынша жаңа туған нәрестеге күрделі ота жасады. Бұл туралы «Педиатрия және балалар хирургиясы ғылыми орталығы» баспасөз қызметі мәлім етті, деп хабарлайды ELnews.kz.

 

Сегізкөз-құйымшақ тератомасының алып ісігі жатыр ішінде 19 апталық кезде анықталған. Сондықтан, сәби дүниеге келе салысымын перзентханадан Педиатрия және балалар хирургиясы ғылыми орталығына жеткізілді. 


3818 гр. салмақтағы жаңа туған нәрестеге хирургиялық ота, туғаннан кейін 3 күннен соң жасалды. Оған дейін сәбидің денсаулығына байланысты арнайы емдік-дайындық қажет етілді. Күрделі ота 3 сағатқа жалғасты. Ота сәтті өтті. Отаны Педиатрия орталығының білікті дәрігері, хирург-неонатолог Литош Владимирдің жетекшілігімен өз ісінің білгір мамандарынан құралған команда жасады.


Кішкентай пациент отадан кейін реанимация бөлімінен неонатология бөліміне палатаға анасының жанына ауыстырылды.


Бұл жағдайдың күрделілігі көлемі үлкен ісіктің жатыр ішінде қарқынды өсіп, босандырып алу және ісіктің өзін алып тастау кезінде қиындықтар тудыруында болды. Сондай-ақ ісікте терінің эрозияға ұшыраған жерлері де болып, тік ішекті қысып және қан тамырларынан қанның жоғары деңгейде жүруіне байланысты белсенді соғуы қанның көп кету тәуекелін туғызды. Ісіктің жалпы салмағы 1028 гр. құрады.


Қазіргі уақытта нәрестенің жағдайы тұрақты, анасымен бірге палатада.



Пайдалы кеңес