KZ RU

Сарыағашта әлемдегі ең жылдам өсетін ағаш өсірілуде

Сарыағаш ауданының тұрғыны Балтабай Құрбанбаев әлемдегі ең жылдам өсетін Павловния ағашын өсіруді қолға алған. Бұл туралы Түркістан облысы әкімінің баспасөз қызметі мәлім етті, деп хабарлайды ELnews.kz.

 

Кәсіпкер 2017 жылы Қытай елінен 50 мың түп алдырып, аудандағы бос жатқан 2 гектар жерге отырғызған. Ол бұл дарақ ең бағалы ағаштардың бірі екенін айтады.

«Павловния ағашы әлемдегі ең жылдам өсетін ағаш деп айтуға болады. Жылына 4-6 мертге дейін өссе, ал бойы 25 метрге дейін жетеді. 6 апта гүлдеп тұрады. Еуропа елдерінде жиһаз жасауға осы ағашты қолданады. Одан бөлек, қайық, шаңғы, теннис ракеткасын, музыкалық аспап тағы басқа да бұйымдар дайындауға да таптырмайтын дүние. Бұл ағашта көз болмайды. Өте иілгіш келеді. Бастапқыда адамдар мұндайға сеніңкіремей қараған. Қазір жан-жақты көз жеткізіп, көшеттерін алып көбейтуді ойластыруда. Түсінген адамға мұның пайдасы ұшан теңіз», – деді Балтабай Құрбанбаев.

Кәсіпкердің сөзінше, оңтүстіктің климаты Павловния ағашын өсіруге өте қолайлы. Күтімі жақсы болса, 3 жылдан кейін ағашты қажетке жарата беруге болады.

  


Пайдалы кеңес