KZ RU

Кімдердің коронавирус жұқтыру қаупі төмен екені белгілі болды

Ғалымдар коронавирус жұқтыру қаупі төмен адамдарды атады, - деп хабарлайды tengrinews.kz "Известия"-ға сілтеме жасап. 

 

Мамандардың айтуынша, COVID-19 вирус жұқтыру қаупі төмен адамдардың қатарына балалар мен жасөспірімдер кіреді.

Ғалымдар жүргізген зерттеу нәтижесі 0-19 жас аралығында балалар мен жасөспірімде вирусты жұқтыру деңгейі 1 пайыз ғана екенін көрсеткен. Ал көбіне, дәрігерлердің айтуынша, 60 жастан асқан және созылмалы ауруларға шалдыққан адамдарда вирусты жұқтыру қаупі жоғары.


Ғалымдар вирустың алдын алу үшін бетперде тағып, гигиена сақтауға кеңес береді.


Соңғы деректер бойынша коронавирус тағы 8 елде анықталды.


Вирус тағы сегіз елде - Португалия, Сауд Арабиясы, Тунис, Марокко, Латвия, Андорра, Иордания және Сенегалда анықталған. 


ДДСҰ соңғы мәліметі бойынша, Қытайдың өзінде коронавирус жұқтырғандарды жалпы саны - 80304 адам болса, 2946 адам қайтыс болған. Бүкіл әлемде вирусты 90 870 адам жұқтырған. 


Қытай билігі 2019 жылы 31 желтоқсанда Дүниежүзілік денсаулық сақтау ұйымына Ухан қаласында белгісіз вирустың тарай бастағанын хабарлаған еді. Мамандар Ухан қаласындағы теңіз өнімдері базарынан алынған сынамаларды зерттеп, вирустың қайнаркөзі сол базарда сатылған жабайы жануарлар болғанын анықтаған. Ал кеше COVID-19 тағы бес елде анықталғаны белгілі болған еді, оның ішінде Үндістан мен Украина да бар.


Пайдалы кеңес